3 May 2022 By MPA
ထိုင်း-မြန်မာနယ်စပ်၊ မဲဆောက်မြို့တွင် လာမည့် မေလ ၅ ရက်နေ့နှင့် မတိုင်ခင်ရက်ပိုင်းများအကြား စစ်ဆေးရေးများ တင်းကျပ်နိုင်မည်ဖြစ်ကြောင်း မဲဆောက်ထိုင်းတာဝန်ရှိသူများနှင့် နီးစပ်သည့် အသိုင်းအဝိုင်းက MPA သတင်းဌာနကို ပြောသည်။
လာမည့် မေလ ၅ ရက်နေ့တွင် ထိုင်းနိုင်ငံ၊ တက်ခ်ခရိုင်၊ မဲဆောက်မြို့က မြန်မာနိုင်ငံနှင့် ဆက်သွယ်ထားသည့် ချစ်ကြည်ရေးတံတား အမှတ် (၁) ဖွင့်လှစ်မည်ဆိုသည့် သတင်းနှင့်အတူ မဲဆောက်မြို့အတွင်း တရားမဝင်နေထိုင်သူများအတွက်ပါ သတိပြုစရာဖြစ်လာသည်။
“၅ ရက်နေ့ကို တံတားတွေပြန်ဖွင့်မယ်လို့ ပြောတယ်။ နောက်ပြီး တောမောင်း(ထိုင်းလဝက)တွေ ဒီရက်ပိုင်းနဲ့ အဲ့ဒီ ၅ ရက်နေ့ကို မဲဆောက်ထဲ စစ်ဆေးတာတွေ ပြုလုပ်လိမ့်မယ်”ဟု မဲဆောက်ထိုင်းတာဝန်ရှိသူတစ်ဦး၏ ဆွေမျိုးတစ်ဦးက MPA သတင်းဌာနကို ပြောသည်။
ထို့ပြင် ၎င်းက မဲဆောက်အတွင်း တရားမဝင်လာရောက်နေထိုင်သူများအနေနှင့် အဆိုပါနေ့များတွင် ပေါ်ပေါ်ထင်ထင် သွားလာသည့် ပုံစံများမလုပ်ရန်နှင့် နေထိုင်သည့် အိမ်တံခါးများရှေ့တွင် အုပ်စုလိုက် စုဝေး မနေကြရန် အကြံပေးခဲ့သည်။
လက်ရှိတွင် တံတားဖွင့်လှစ်ခြင်းသတင်းများအတွက် ထိုင်းအစိုးရက တရားဝင် ကြေညာချက်များဖြင့် ထုတ်ပြန်အသိပေးမှု မပြုလုပ်ထားသော်လည်း တံတားသန့်ရှင်းရေးပြုလုပ်မှုတွေကြောင့် မဲဆောက်မြို့အတွင်း ယင်းသတင်းမှာ အတော်လေး ပျံ့နှံ့နေသည်။
#ထိုင်း #မဲဆောက် #ချစ်ကြည်ရေးတံတား #MPA
Photo – The Nation Thailand
မြေမြှုပ်မိုင်းနှင့်စစ်လက်နက်အကြွင်းအကျန် အန္တရာယ် ပဋိပက္ခဒဏ်ခံဒေသများတွင် ပိုမိုကြီးမားလာ
မြေမြှုပ်မိုင်းနှင့် ပေါက်ကွဲစေတတ်သော စစ်လက်နက်အကြွင်းအကျန်တို့၏အန္တရာယ်သည် ပဋိပက္ခဒဏ်ခံဒေသများတွင် ပိုမိုကြီးမားလာနေကြောင်း ကုလသမဂ္ဂလူသားချင်းဆိုင်ရာညှိနှိုင်းရေး ရုံး(UNOCHA Myanmar)က ဆိုသည်။ မေလ နှစ်ရက်မှ ကိုးရက်အတွင်းမှာတင် မြေမြှုပ်မိုင်းနှင့် စစ်လက်နက်အကြွင်းအကျန်များကြောင့် ချင်းပြည်နယ်၊ ရှမ်းပြည်တောင်ပိုင်း၊ ရှမ်းပြည်မြောက်ပိုင်းနှင့် ရခိုင်ပြည်နယ်တို့တွင် အရပ်သားခြောက်ဦးအသက်ဆုံးရှုံးခဲ့ရပြီး ငါးဦးလည်း...