By MPA မကွေးတိုင်း​ဒေသကြီး၊ ဆင်ပေါင်ဝဲမြို့နယ်အတွင်းရှိကျေးရွာအချို့တွင်လမ်းခရီးအခက်အခဲငွေရေးကြေးရေး အခက်အခဲများကြောင့်ဆေးဝါးရှားပါးမှုများဖြစ်ပွားနေကြောင်းသိရသည်။ “ခုလောလောဆယ်ကတော့ဆေးဝါးရှားပါးတာတွေဖြစ်နေတာပေါ့။အဓိကကတော့ကားလမ်းတွေပိတ်တဲ့ဟာရယ်။နောက်စျေးတွေအရမ်းကြီးတာရယ်ကြောင့်ရှားသွားတာပေါ့”ဟု မိုးနှံကုန်းကျေးရွာမှ ရွာလူကြီးတစ်ဦးကMPAသို့ပြောသည်။ အိမ်သုံးဆေးဝါးများကိုမြို့ပေါ်ထိတက်ပြီးသွားရောက်ဝယ်ယူနေရပြီးစျေးအဆမတန်ကြီးမြင့်သည့်အပြင်လိုချင်သောပမာဏကိုရရှိခြင်းမရှိပေ။ထိုသို့မရရှိသည့်အတွက်လာရောက်လှူဒါန်းမည့်သူများကိုသာစောင့်မျှော်နေကြသည်။“ဖလူဇာတစ်ကဒ်ကို၃၅၀၀လောက်ပေးရတယ်။ပါရာစီတမောတစ်ကဒ်ကို၂၀၀၀ပေးရတယ်။ဓါတ်ဆားတွေဆိုရင်လည်းလိုသလောက်မရဘူး။ ငါးထုပ်လိုချင်တယ်ဆိုရင်တောင်သုံးထုပ်လောက်ပဲရတယ်”ဟုဆိုသည်။...