By MPA
Wave Money ငွေကြေးဝန်ဆောင်မှုလုပ်ငန်းသည် Telenor Myanmar နှင့် ချိတ်ဆက်ဆောင် ရွက်နေသည့် လုပ်ငန်းဖြစ်ပြီး နော်ဝေနိုင်ငံအခြေ စိုက် တယ်လီနော လုပ်ငန်းစုမှ တယ်လီနောမြန် မာအား M1 လုပ်ငန်းစုသို့ ဇူလိုင်လ ၈ ရက်နေ့တွင်လွှဲပြောင်းရောင်းချခြင်းသည် Wave Money ၏ ငွေကြေးဝန်ဆောင်မှုများအား ထိခိုက်မှုမရှိကြောင်း သဘောထား ထုတ်ပြန်သည်။
Wave Money အနေဖြင့် သန်းပေါင်းများစွာသော သုံးစွဲသူများအား မရှိမဖြစ်အရေးပါသော မိုဘိုင်းငွေကြေးဝန်ဆောင်မှုများကို ပုံမှန်အတိုင်း ဆက် လက်ဝန်ဆောင်မှုပေးသွားမည်ဟု ၄င်းတို့၏ ဖေ့ဘွတ်စာမျက်နှာတွင် ဖော်ပြထားသည်။
Wave Money သည် Telenor Group ၏ အစု ရှယ်ယာဝင်လုပ်ငန်းစုတစ်ခုဖြစ်သော်လည်း Wa ve Money ၏ လုပ်ငန်းဆောင်တာများသည် သီး ခြားရပ်တည် လည်ပတ်လျက်ရှိပြီး တယ်လီနောမြန်မာအား လုပ်ငန်းပိုင်ရှင်အသစ်သို့ လွှဲပြောင်း ရောင်းချခြင်းသည် ၄င်းတို့၏ လုပ်ငန်းလည်ပတ်မှုအား ထိခိုက်မှုမရှိနိုင်ကြောင်း ရေးသားထား သည်။
စစ်အာဏာသိမ်းပြီးနောက် တယ်လီနော ဆက်သွယ်ရေး အော်ပရေတာမှ မြန်မာနိုင်ငံ၏ အခြေ အနေ ဆိုးရွားလာနိုင်သည်ဟုယူဆ၍ ရောင်းချရန်ဆုံးဖြတ်ခဲ့ပြီး ဇူလိုင်လ ၈ ရက်နေ့ မနေ့က လက်ဘနွန်အခြေစိုက် M1 Group လုပ်ငန်းစုသို့ အမေရိကန်ဒေါ်လာ ၁၀၅သန်းဖြင့် ရောင်းချခဲ့သည်။
စစ်အာဏာသိမ်းပြီးနောက် လက်ရှိအချိန်ထိ ဘဏ်စနစ်များကောင်းမွန်စွာ မလည်ပတ်နိုင်ခြင်းကြောင့် ငွေလွှဲ/ ငွေထုတ်ခြင်းအား Wave Money၊ KBZ Pay စသည့် မိုဘိုင်းငွေကြေးဝန် ဆောင်မှု လုပ်ငန်းများအပေါ် အဓိကထား အသုံး ပြုနေသော်လည်း ၄င်းတို့၏ Agentများမှ ထုတ် ယူသည့်ငွေပမာဏ၏ ၅% မှ ၁၀ % ထိ ကောက်ခံမှုများ ရှိနေသဖြင့် အခက်အခဲများ ဖြစ်ပေါ်လျက်ရှိသည်။
#WaveMoney #သဘောထားထုတ်ပြန် #Telenor #MPA
စင်ကာပူနိုင်ငံသို့ သူနာပြုအဖြစ်သွားရောက်အလုပ်လုပ်ကိုင်နေသူများ ပတ်စ်ပို့စ် သက်တမ်းတိုးခွင့်မရတော့ဟုဆို
မြန်မာနိုင်ငံမှ စင်ကာပူနိုင်ငံသို့ သူနာပြုအဖြစ် သွားရောက်အလုပ်လုပ်ကိုင်နေသူများ ပတ်စ်ပို့စ်သက်တမ်းတိုးရာတွင် သက်တမ်းတိုးခွင့်မရတော့ဘဲ စစ်ကောင်စီထံ အသနားခံစာတင်မှ တိုးခွင့်ရမည်ဟု မြန်မာသံရုံးက ပြောဆိုခဲ့ကြောင်း ကိုယ်တိုင်ကြုံတွေ့ခဲ့ရသူတစ်ဦးက ဆိုသည်။ စင်ကာပူနိုင်ငံရှိ မြန်မာသံရုံးတွင် ပတ်စ်ပို့သက်တမ်းတိုးရန် သွားရောက်သူများကို သံရုံးဝန်ထမ်းများက အချိန်မြင့်စွာစောင့်ဆိုင်းစေပြီးနောက် ဝန်ထမ်းတစ်ဦးက...