Photo – Kaung Mrat Naing / MPA
ရခိုင်ပြည်နယ်၊ကျောက်တော်မြို့ပေါ် ရှိ ရထားဘူတာစစ်ဘေးရှောင်စခန်းမှာ အကူအညီများ လိုအပ်နေကြောင့် စစ်ဘေးရှောင်များက ပြောသည်။
“ အိမ်သာရယ်၊ထင်းရယ်၊ဆောင်းရာသီ ဆိုတော့ အနွေးထည်တွေလည်း လိုအပ်ပါတယ်။” လို့ တင်းမကျေးရွာမှ စစ်ဘေးရှောင်လာသူ မသန်းနုခိုင်က MPAသို့ ပြောသည်။
အဆိုပါစစ်ဘေးရှောင်စခန်းမှာ အိမ်ထောင်စု ၂၀၆စု၊ကျား ၃၀၀၊မ ၄၃၅ ၊စုစုပေါင်း ၇၃၅ ဦးရှိကြောင့် သိရသည်။
“ ဘာအခက်အခဲရှိလဲဆိုတော့ စားဝတ် နေရေးရယ်၊ကျန်းမာရေးရယ်၊ပြီးတော့ ထင်းတွေဘာတွေလည်း အများဆုံး လိုအပ်နေပါတယ်။” ဟု စစ်ဘေးရှောင်တစ်ဦးဖြစ်သူ ကိုသန်းရွှေက ဆိုသည်။
ထိုကျောက်တော်မြို့နယ်မှာ ရက္ခိုင့်တပ်တော်(AA)နှင့်အာဏာသိမ်းစစ်ကောင်စီတပ်တို့ကြား ဇန်နဝါရီလ ၁၇ ရက်၊မနေ့ ကစတင်ကာ စစ်ရေးတင်းမာနေသဖြင့် ဒေသခံရွာသားတချို့မြို့ပေါ်သို့ တိမ်း ရှောင်နေကြကြောင့် ဒေသခံများက ပြောသည်။
” အိမ်သာတွေက အမျိုးသားတွေနဲ့အ မျိုးသမီးတွေ အတူတူစုပေါင်းသုံးနေရတယ်။နောက်ပြီး ရေချိုးရတာတွေက အမျိုးသမီးတွေအတွက် လုံခြုံမှုမရှိဘူး။” ဟု စစ်ဘေးရှောင်အမျိုးတစ်ဦးက ပြောသည်။
ရခိုင်မှာ တိုက်ပွဲများရပ်တန့်နေသည်မှာ တစ်နှစ်ကျော်ကြာလာသော်လည်း စစ် ဘေးရှောင်အများစု နေရပ်မပြန်နိုင်ကြ သေးဘဲ စားဝတ်နေရေးအခက်အခဲများနှင့် စစ်ဘေးရှောင်စခန်းများမှာ ခိုလှုံနေထိုင်ကြရဆဲဖြစ်သည်။
