By MPA
ရုရှား-ယူကရိန်းစစ်ဖြစ်နေချိန်ကာလအတွင်း ယူကရိန်းသို့ လက်နက်ထောက်ပံ့နေသည့် ပြင်သစ်နှင့် ဂျာမနီတို့ကို ရုရှားသမ္မတ ပူတင်က သတိပေးမှု ပြုလုပ်လိုက်သည်။
ယင်းသို့ ထောက်ပံ့ခြင်းသည် အန္တရာယ်များပင်ဖြစ်ကြောင်းနှင့် နောက်ထပ်သောမတည်ငြိမ်မှုများကို ဖြစ်စေနိုင်သည်ဟု ရုရှားသမ္မတ ပူတင်က အသိပေးလိုက်ခြင်းဖြစ်သည်။
ထိုကြောင့် ဆက်လက်ပြီး ပြင်သစ်သမ္မတ အီမန်နျူရယ်မက်ခရွန်းနှင့် ဂျာမနီဝန်ကြီးချုပ် အိုလက်ရှိုးတို့ကို လက်နက်များ ယူကရိန်းသို့ မထောက်ပံ့ပို့ သတိပေးပြောကြားလိုက်ခြင်းဖြစ်သည်။
ယမန်နေ့က ပြင်သစ်၊ ဂျာမနီ ခေါင်းဆောင်များနှင့် ဖုန်းခေါ်ဆွေးနွေးမှုအတွင်း ရုရှားသမ္မတ ပူတင်က လက်နက်ကိစ္စများအတွက် သတိပေးချက် ပြုလုပ်ခဲ့သလို အနောက်နိုင်ငံများ၏ ပိတ်ဆို့အရေးမှုများသည် ကမ္ဘာ့စားနပ်ရိက္ခာထောက်ပံ့မှုများအတွက် အနှောင့်အယှက် ဖြစ်စေကြောင်းလည်း အသိပေးခဲ့သည်။
Aljazeera သတင်းဌာန၏ ဖော်ပြချက်အရ “နောက်ထပ် မတည်ငြိမ်မှုတွေနဲ့ လူသားချင်းစာနာထောက်ထားမှု အကျပ်အတည်းတွေကို ပိုမိုဆိုးရွားစေသည့် အန္တရာယ်ဖြစ်တယ်” ဟု ယူကရိန်းအပေါ် လက်နက်ထောက်ပံ့မှု၊ ရုရှားအပေါ် ပိတ်ဆို့အရေးယူမှုများနှင့် ပတ်သက်၍ ကရင်မလင်နန်းတော်က ပြောကြားခဲ့ခြင်းဖြစ်သည်။
မိနစ် ၈၀ ကြာ ဖုန်းခေါ်ဆိုမှုအတွင်း ပြင်သစ်သမ္မတ မက်ခရွန်းနှင့် ဂျာမနီအဓိပတိ အိုလက်ရှိုးတို့ကလည်း ယူကရိန်းတွင် အပစ်အခတ် ရပ်စဲရေးနှင့် ရုရှားတပ်များ နိုင်ငံအတွင်းမှ ရုတ်သိမ်းရေးတို့ကို ပြန်လည်တောင်းဆိုခဲ့ကြောင်း သိရှိရသည်။
တိုက်ပွဲများအဆုံးသတ်ရေးအတွက် ယူကရိန်းသမ္မတ ဇီလန်စကီးနှင့် လေးနက်သည့် ညှိနှိုင်းများ ပြုလုပ်ရန်လည်း ဥရောပ ခေါင်းဆောင် နှစ်ဦးက ဆက်လက်တိုက်တွန်းခဲ့သည်။
ရုရှားခေါင်းဆောင်က ယူကရိန်းနှင့် တွေ့ဆုံဆွေးနွေးမှု ပြန်လည်စတင်ရန် ပွင့်လင်းမြင်သာမှုရှိကြောင်း အသိပေးထားသော်လည်း သမ္မတဇီလန်စကီးနှင့် တိုက်ရိုက်ဆွေးနွေးရန် ဖြစ်နိုင်ခြေကို ဖော်ပြခြင်းမရှိပေ။
