By MPA 001
အကြမ်းဖက်စစ်ကောင်စီကို တောလမ်းခရီးလမ်းပြပေးပြီး ပြည်သူများအား ချောက်ချဖမ်းခိုင်းသည့် မောင်သိန်းဆိုသူကို ရှင်းလင်း ခဲ့ကြောင်း ပုလောဒေသကာကွယ်ရေးတပ်ဖွဲ့(PRDF) ၏ တာဝန်ရှိသူတစ်ဦးက ပြောသည်။
“မနေ့က ၁၁ နာရီလောက်မှာ ရှင်းလိုက်တာပါ။ သူ့ကိုသတ်မှာ ကြိုသိထားပုံရလို့ ရှောင်နေတာ။ သင်္ဃန်းတော်ရွာအနီးမှာ ရေပိုက် ပြင်နေတုန်း ရှင်းလိုက်တာ”ဟု ပုလောဒေသကာကွယ်ရေးတပ်ဖွဲ့ (PRDF) ၏ တာဝန်ရှိသူတစ်ဦးက ရှင်းပြသည်။
PRDF တပ်ဖွဲ့မှ ရှင်းလင်းခဲ့သည့် ဦးမောင်သိန်းဆိုသူသည် တနင်္သာရီတိုင်း၊ ပုလောမြို့နယ်၊ ကဒဲရွာတွင် နေထိုင်သူတစ်ဦးဖြစ်ပြီး အကြမ်းဖက် စစ်ကောင်စီ၏ စစ်ကြောင်းများတွင် လိုက်ပါလမ်းပြပေးသူဖြစ်ကြောင်း ကဒဲရွာသားတစ်ဦးက ပြောသည်။
“သူက ဒလန်တွေကို ရွာထဲမှာမွေးထားတာ။ သူ့ကိုမထိရဲဘူး။ တပ်နဲ့လည်းပိုင်တော့ သူဖမ်းဆိုတာနဲ့ ဟိုနွားတွေက ဖမ်းတာပဲ။ အခုတော့ သေပြီ”ဟု ကဒဲရွာသားတစ်ဦးက ပြောသည်။
သေဆုံးသူ ဦးမောင်သိန်းကို သင်္ဃန်းတော်ရွာ အနီး ရေပိုက်လုပ်နေစဉ် PRDF မှ အထူးရဲဘော်များက သေနတ်ဖြင့် ၃ ချက်ပစ်သတ် ခဲ့ပြီး ပစ်ခတ်ချိန်သေဆုံးသူ၏ သားဖြစ်သူက ဓားဖြင့် ခုတ်ရန်ပြေးလာသောကြောင့် သေနတ်ဖြင့် ခြောက်လန့် ပစ်ခတ်ခဲ့ပြီး အောင်မြင် ဆုတ်ခွာနိုင်ခဲ့ကြောင်း စုံစမ်းသိရှိရသည်။
