သီတင်းကျွတ်ညလေးတစ်ညသီချင်းနှင့် လူသိများခဲ့သည့် ကချင်မော်ဒယ်သရုပ်ဆောင် မိုင်းမိုင် ကွယ်လွန် သတင်း

By MPA 001
သီတင်းကျွတ်ညလေးတစ်ညသီချင်းနှင့် လူသိများခဲ့သည့် ကချင်မော်ဒယ်မော်ဒယ်သရုပ်ဆောင် မိုင်းမိုင်မှာ ဧပြီလ ၂၄ ရက်မှာ ကချင်ပြည်နယ်၊ မြစ်ကြီးနားမြို့ရှိ သူ့၏ နေအိမ်တွင် ကွယ်လွန်သွားကြောင်း ကချင်အနုပညာအသိုင်းအဝိုင်းမှ ပြောသည်။

ကချင်အနုပညာရှင် ရုပ်ရှင်သရုပ်ဆောင် မင်းသား ဇော်မိုင်အောင် (ခ) မိုင်းမိုင်သည် ရောဂါဝေဒနာဖြစ်ပွါးခြင်းမရှိပဲ အိပ်ပျော်နေချိန်တွင် ၉နာရီ ၄၅မိနစ်တွင် သေဆုံးနေကြောင်း သိရခြင်းဖြစ်သည်ဟု ကချင်အနုပညာအသိုင်းအဝိုင်းမှ ပြောသည်။
“သူကစိတ်ထားအရမ်းကောင်းတယ်။တစ်ချိန်က ကချင်အနုပညာလောက ကချင်အသိုင်းအဝိုင်းမှာလူငယ်တွေရဲ့ နှလုံးသားကို တမ်းတမ်းစွဲအောင် ဖမ်းယူနိုင်ခဲ့တဲ့ မြန်မာ့ရုပ်ရှင်လောက အထိ ကြော်ငြာ မော်ဒယ်-သရုပ်ဆောင် တစ်ဦးဖြစ်တဲ့အထိ အောင်မြင်ခဲ့တာပါ။ ”ဟု မိုင်းမိုင်နှင့် နီးစပ်သည့် ကချင်အနုပညာရှင်တစ်ဦးကဆိုသည်။
ယင်းအပြင်မိုင်းမိုင်သည် ကချင်ပြည်နယ်အတွင်း ကျော်ကြားသည့် မော်ဒယ်သရုပ်ဆောင်တစ်ဦးဖြစ်ပြီး ကချင်အနုပညာနယ်ပယ်အတွင်း ကချင်အဆိုတော်ကြီးAurali Lahpai အော်ရာလီ ၏ Hkungran Kumhpa သီချင်းတွင် မင်းသမီး ယွပ်ဆိုင်းအိန် နှင့် တွဲဖက်သရုပ်ဆောင်ရာမှ နာမည်ကျော်ကြားလာခဲ့ပြီး လူသိများထင်ရှားလာခဲ့ခြင်းဖြစ်သည်။
မိုင်းမိုင်၏ စျာပနကို ဧပြီ ၂၅ ရက် ကချင်ပြည်နယ်၊ မြစ်ကြီးနားရှိ ခရစ်ယာန် သုဿာန်မှာ မီးသင်္ဂြိုဟ် သွားမည်ဖြစ်ပြီး သရုပ်ဆောင် မိုင်းမိုင်ဟာ ကွယ်လွန်ချိန်တွင် အသက် ၃၆ နှစ်အရွယ်ရှိကာ ဇနီးနှင့် သားသမီး ၃ ဦး ကျန်ရစ်ခဲ့သည်။
#မိုင်းမိုင် #ကွယ်လွန် #အနုပညာရှင် #MPA #Myanmar

No Result