4 Jan 2022 By MPA
ကရင်ပြည်နယ်၊ မြဝတီမြို့တော်ဘက်ရှိ လေးကေ့ကော်မြို့သစ် အနီး ဖလူးကြီးကျေးရွာမှ ဒေသခံ အမျိုးသမီးတစ်ဦးသည် ဇန်နဝါရီလ (၃) ရက်နေ့ ညနေပိုင်းတွင် အကြမ်းဖက် စစ်တပ်က ပစ်ခတ်လိုက်သော လက်နက်ကြီး ကျည်ထိမှန်ပြီး သေဆုံးခဲ့ကြောင်း သိရသည်။
ူ
အဆိုပါ အမျိုးသမီးသည် စစ်ရှောင်စခန်းများတွင် စစ်ရှောင်နေရင်း နေရပ်ပြန်လို့ရပြီ ဟူသော သတင်းစကားများကြောင့် နေအိမ်သို့ သွားရောက် နေထီုင်နေစဉ် လက်နက်ကြီး ထိမှန်ပြီး သေဆုံးခဲ့ရခြင်း ဖြစ်ကြောင်း ဒေသခံများက ဆိုသည်။
“ BGF ကဗိုလ်မုတ်သုန်က ထိုင်းဘက်ကမ်းရော မြန်မာဘက်ကမ်းကရော လူတွေကို နေရပ်ပြန်လို့ရပြီလို့ ပြောတာရှိတယ်။အဲ့အတွက် ပြန်ကျတဲ့ သူတွေရှိတယ်။ တချို့ကလည်း ပစ္စည်းလေးတွေ ပြန်ယူကြတာပါ့။ အဲ့ပြန်တဲ့ လူထဲကမှ ဒီအမျိုးသမီးက လက်နက်ကြီး ထိမှန်ခဲ့တာ” ဟု ဒေသခံ သတင်းရင်းမြစ် ကပြောသည်။
အကြမ်းဖက် စစ်တပ် အနေဖြင့် ဒီကနေ့ နံနက် (၄) နာရီ ဝန်းကျင်တွင်လည်း လေးကေ့ကော်မြို့သစ် အနီးသို့ လက်နက်ကြီးဖြင့် ပစ်ခတ်မှုများရှိပြီး ၎င်းတို့၏ လက်နက်ကြီးစ ထိမှန်ပြီး အမျိုးသားတစ်ဦး ခြေထောက်တွင် ဒဏ်ရာရှိခဲ့သည်။
ပြီးခဲ့သည့် ဒီဇင်ဘာလ (၁၄) ရက်နေ့တွင် အကြမ်းဖက်စစ်တပ်မှ လေးကေ့ကော် ငြိမ်းချမ်းရေးမြို့သစ် အတွင်း စစ်ကြောင်းဖြင့် ဝင်ရောက် ရာမှ စတင်ပြီး စစ်ရေး အခြေအနေများ တင်းမာခဲ့သည်။
လက်ရှိအချိန်တွင် KNU တပ်မဟာ (၆) နယ်မြေရှိ လေးကေ့ကော်၊ မြဝတီ-ကော့ကရိတ်လမ်း၊ ဘုရားသုံးဆူ နှင့် ကြာအင်းဆိပ်ကြီးတို့တွင် အကြမ်းဖက် စစ်တပ်နှင့် ပူးပေါင်း အဖွဲ့များအကြား စစ်ရေးအခြေအနေများ တင်းမာလျက် ရှိနေသည်။
ပုံစာ-ဇန်နဝါရီလ (၃) ရက်နေ့ ညနေပိုင်းက လက်နက်ကြီးစ ထိမှန် သေဆုံးသွားသော ဖလူးကြီးကျေးရွာမှ ဒေသခံ အမျိုးသမီး
Photo- KIC
#လေးကေ့ကော်တွင်လက်နက်ကြီးကျည်ထိ
#အမျိုးသမီးတစ်ဦးသေဆုံး
#MPA
Website Link – https://wp.me/p9beg2-1O7
Telegram Link – https://t.me/MPANews
Twitter Link – https://twitter.com/mmpressphoto
