By MPA
မန္တလေးမြို့ ပြည်ကြီးတံခွန်မြို့နယ်ရှိ လျှပ်စစ်ရုံးမှာ ဗုံးပေါက်ကွဲပြီး မီတာဆောင်နေသူ များထဲမှ နှစ် ဦးသေဆုံးခဲ့ကြောင်း လူမှုကူညီရေးအသင်းများထံကနေ စုံစမ်းသိရသည်။
ပြည်ကြီးတံခွန်မြို့နယ် ဘုံပျံတောရကျောင်းအနီး ၆၃ လမ်းနှင့် ၁၂၈ လမ်း စုပေါင်းရုံးဝင်းထဲက လျှပ်စစ်မီတာရုံး အတွင်းသို့ မနက် ၉ နာရီခန့်က အမည်မသိ လူတစ်စုက ဗုံးဖြင့် လာရောက်ပစ်ခတ်သွားခြင်း ဖြစ်ကြောင်း သိရသည်။
“ မီတာဆောင် နေတဲ့သူတွေ အများစု ထိခိုက်ဒဏ်ရာ ရသွားလို့ဆေးရုံကို ပို့ဆောင်ပေးထားတယ်။ သေဆုံးတာ နှစ် ဦးလို့သိရတယ် ။ အတိအကျ ကတော့ပြောလို့ မရသေးဘူး” ဟု လူမှုကူညီရေး လုပ်ဆောင်ပေးနေသူ တစ်ဦးကပြောသည်။
ဒဏ်ရာရရှိများမှာ ခုနစ် ဦးရှိပြီး လက်၊ ခြေထောက်ပိုင်းတို့မှာ အများစု ဒဏ်ရာရရှိသွားကြောင်း ၎င်းကပြောသည်။
ဗုံးပေါက်ကွဲခဲ့တဲ့ လျှပ်စစ်ရုံး အနီးမှာလည်း စစ်တပ်နှင့် ရဲတပ်ဖွဲ့က စစ်ဆေးမှုများ ပြုလုပ်နေကြောင်းလည်း သိရသည်။
ယခုလ အစောပိုင်းကလည်း မဟာအောင်မြေမြို့နယ် လျှပ်စစ်ရုံးက မီတာကြေးကောက်ခံသူ သေနတ်အပစ်ခံရပြီး သေဆုံးခဲ့သည်။
#EPC #ဗုံးပေါက်ကွဲ #ပြည်ကြီးတံခွန်မြို့နယ် #သေဆုံး #မန္တလေး #MPA
ဒီးမော့ဆိုအနောက်ခြမ်းရှိ စစ်ရှောင်များရှိရာသို့ စစ်ကောင်စီတပ် လက်နက်ကြီးဖြင့် ပစ်ခတ်
By Bala / MPA ကရင်နီပြည်နယ်၊ ဒီးမော့ဆိုအနောက်ခြမ်းရှိ စစ်ရှောင်များရှိရာသို့ စစ်ကောင်စီတပ်က ယနေ့တွင် လက်နက်ကြီးဖြင့် ပစ်ခတ်ခဲ့ကြောင်း သိရသည်။ ယနေ့ (ဇန်နဝါရီ ၂၅ရက်) မွန်းလွဲ သုံးနာရီခန့်တွင် ဒီးမော့ဆိုမြို့နယ်အနောက်ခြမ်းရှိ လွိုင်နန်းဖ ကျေး...
