By Hsu Yee / MPA
ပဲခူးတိုင်း ၊ မင်းလှမြို့နယ်တွင် PDF တို့ ဖမ်းဆီးမိထားသော ပျူစောထီးနှစ်ဦး ထွက်ပြေးရန်ကြိုး စားသဖြင့် ပစ်ခတ်ခဲ့ရာ သေဆုံးသွားကြောင်း သိရသည်။
မေလ လေးရက်၊ နေ့ခင်း ၁၂ နာရီခန့်တွင် စိန်ကန့်လန့်-မြို့ချောင်း ရိုးမဖြတ်ကျော်လမ်းဘေးရှိ ပျဉ်း ကတိုးခင်းရွာအနီး၌ ဘန့်ဘွေးကုန်း ရွာနေ ပျူစောထီး မြဇော်ဦးနှင့် ဒေါ်ယူပီတို့နှစ်ဦး ဖောကား ဖြင့် လာစဉ် ဖမ်းဆီးရမိခဲ့ခြင်းဖြစ်ကြောင်း သာယာဝတီခရိုင် တပ်ရင်း ၃၈၀၂၊ တပ်ခွဲ ငါး က သတင်းထုတ်ပြန်သည်။
“ ဘန့်ဘွေးကုန်းရွာကနေလာတာပါ။အဲ့ရွာမှာ ဂိတ်တွေရှိတယ်။ကျွန်တော်တို့အဖွဲ့က ဖမ်းဆီးပြီး ပြန်လွှတ်ပေးသူ ၁၀ဦးထက်မနည်းဘူး။သတိပေးပြီးပြန်လွှတ်တာ။ခုသေသွားတဲ့ နှစ်ယောက်နဲ့ ယူပီသား(ဒေါ်ယူပီ၏သား)က ဖုန်းဆက်သတိပေးလည်း ဂရုမစိုက်ကြဘူး။ပြည်သူကိုဒုက္ခပေးသူ ဆိုတာတော့ သေချာတယ်” ဟု သာယာဝတီခရိုင် တပ်ရင်း ၃၈၀၂၊ တပ်ခွဲငါးမှ သတင်းနှင့်ပြန်ကြား ရေး တာဝန်ခံ ရဲဘော်ရိုးမမြေက MPA သို့ပြောသည်။
၎င်းတို့နှစ်ဦးကို စစ်ဆေးနေသည့် မေလလေးရက်၊ မွန်းလွဲ နှစ်နာရီခန့်တွင် စစ်ကောင်စီစစ်ကြောင်း ရောက်ရှိလာသောကြောင့် ပြန်လည် တိုက်ခိုက်ရန် ပြင်ဆင်နေစဉ် မြဇော်ဦးနှင့် ဒေါ်ယူပီတို့ ထွက် ပြေးသွားသဖြင့်လိုက်လံ ပစ်ခတ်ဖမ်းဆီးရာ ကျည်ထိမှန်သေဆုံးခဲ့ကြောင်း သိရသည်။
“ ဟိုင်းယုလမ်းဆုံ၊ ဗိုလ်ရုံ၊ ပျဥ်းကတိုးခင်းရွာက ပြည်သူတွေ တိုက်ပွဲတွေကြောင့် စစ်ရှောင်ရတော့ သူတို့စိုက်ထားတဲ့ သီးနှံတွေနဲ့ နေအိမ်တွေကို ယူပီနဲ့သူ့သားရယ် မြဇော်ဦးတို့က စစ်သားတွေနဲ့ပေါင်းပြီး ဖျက်ယူကြတယ်။PDF သတင်း စစ်သားဆီပို့တယ်။အိမ်တွေဖျက်ယူပြီး ပြန်ရောင်းစားတာ။အိမ်တစ်လုံးဆို သိန်းတစ်ရာ နီးနီးရတယ်။စစ်သားတွေနဲ့ခွဲယူတာ” ဟု ၎င်းက ဆက်လက်ပြောသည်။
၎င်းတို့နှစ်ဦးထံမှ ဖောကားတစ်စီး ၊ ဖုန်းတစ်လုံး ၊ လက်စွပ်တစ်ကွင်းနှင့် နားကပ်တစ်ရန် သိမ်းဆည်းရမိခဲ့ကြောင်း သိရသည်။
