By MPA
ပဲခူးတိုင်း၊ ကျောက်ကြီးမြို့နယ်အတွင်းရှိ စစ်ကောင်စီတပ်စခန်းများကို တော်လှန်ရေးတပ်များက တစ်ပြိုင်နက် တိုက်ခိုက်ဖျက်ဆီးခဲ့ရာ ဒုတပ်ရင်းမှူးအပါအဝင် စစ်သား ၂၀ ကျော် သေဆုံးခဲ့ကြောင်း သိရသည်။
ကျောက်ကြီးမြို့နယ်အတွင်းရှိကျွန်းကုန်း၊ ရင်းတိုက်ကုန်း၊ တောင်စု၊ ရန်မျိုးအောင်၊ တမာခေါ ကျေးရွာနှင့် နောင်ကုန်းတံတားတို့တွင် အထိုင်ချတပ်စွဲထားသည့် စစ်ကောင်စီတပ်စခန်းများကို ဧပြီ၂၈ရက်တွင် KNLA ပူးပေါင်းတပ်က တိုက်ခိုက်ဖျက်ဆီးခဲ့ရာ စစ်သားအများအပြားလည်း ဒဏ် ရာရရှိကာ ထွက်ပြေးသွားကြကြောင်း NUGကာကွယ်ရေးဝန်ကြီးဌာနက ယနေ့(မေနှစ်ရက်)သတင်း ထုတ်ပြန်သည်။
ယင်းတိုက်ပွဲများအပြီးတွင် လက်နက်ကြီး၊ လက်နက်ငယ် မျိုးစုံ ၃၀ကျော်နှင့် ခဲယမ်းများ၊ စစ်သုံးပစ္စည်း အမြောက်အမြား သိမ်းဆည်းရရှိခဲ့ကြောင်း သိရသည်။
အဆိုပါ စစ်ကောင်စီတပ်စခန်းများကို ပြည်သူ့ကာကွယ်ရေးတပ်မတော်(PDF)၊ အမှတ်၂ စစ်ဆင်ရေးနယ်မြေ၊ တိုင်းစစ်ဌာန (ပဲခူး)၊ ဗျူဟာ ၂၄၊ ဗျူဟာ ၂၅၊ အမှတ် ၇၈၀၃တပ်ရင်း(အာဠာဝကစစ်ကြောင်း)၊ အမှတ် ၃၅၀၃တပ်ရင်း၊ နဂါးနီစစ်ကြောင်း၊ ရန်ကုန် ပကဖ တိုက်ခိုက်ရေးတပ်ဖွဲ့ ၃၊ ဧရာဝတီ အမှတ် ၃တပ်ရင်း၊ အမှတ် ၃၇၀၂တပ်ရင်း၊ အထူးကွန်မန်ဒိုတပ်ရင်း၊ Spring Warrior Column၊ အမှတ် ၁၈၀၅ ဒရုန်းအထူးတပ်ဖွဲ့၊ ဗျူဟာ ၂၅၊၂၆ဒရုန်းတပ်ဖွဲ့၊ တိုင်းလက်နက်ကြီးတပ်ဖွဲ့တို့နှင့် ကရင်အမျိုးသားလွတ်မြောက်ရေးတပ်မတော် KNLA၊ တပ်ရင်း ၈၊ တပ်ရင်း ၉ တို့ပူးပေါင်းဆင်နွှဲခဲ့ခြင်းဖြစ်သည်။
