28 Apr 2025 By Nway / MPA
စစ်ကိုင်းတိုင်း၊ မုံရွာမြို့နယ်တွင် စစ်ကောင်စီတပ် ပစ်ခတ်မှုကြောင့် ယာလုပ်နေသည့် အမျိုးသားတစ်ဦး ပွဲချင်းပြီး သေဆုံးခဲ့ကြောင်းသိရသည်။
မုံရွာမြို့အဝင်၊ မအူစစ်ဆေးရေးဂိတ်မှ ကင်းထွက်လာသည့် စစ်သား ၂၀ ခန့်သည် ဧပြီ ၂၇ ရ က်၊ ညနေ သုံးနာရီဝန်းကျင်တွင် မအူ-မြေနဲကြား၌ သေနတ် ရမ်းပစ်ခဲ့ရာ ယာလုပ်နေသည့် အသက် ၃၀ အရွယ်အမျိုးသား တစ်ဦး ဦးခေါင်းကျည်ထိမှန်ကာ သေဆုံးခဲ့ကြောင်း မုံရွာ-အမြင့်လမ်းသတင်းမှန်ပြန်ကြားရေးအဖွဲ့ထံမှ သိရသည်။
” မအူဂိတ်ကနေထွက်လာတာ။ မြေနဲရွာနဲ့ မအူကြားလမ်းဘေးမှာစောင့်ကြတာ။ ဦးခေါင်းမှန်တာ။ ပွဲချင်းပြီးပဲ” ဟု မုံရွာ-အမြင့်လမ်းသတင်းမှန်ပြန်ကြားရေးအဖွဲ့မှ တာဝန်ရှိသူတစ်ဦးက MPA သို့ ပြောသည်။
ယင်းအမျိုးသားမှာ မုံရွာ-အမြင့်လမ်းတွင် နေထိုင်သူဖြစ်ပြီး ရုပ်အလောင်းကို နေ့ချင်း သင်္ဂြိုဟ်လိုက် ကြောင်း သိရသည်။
ပြီးခဲ့သည့် ဖေဖော်ဝါရီ ၂၅ ရက်ကလည်း ချောင်းဦးမြို့နယ်၊ ချောင်းဦး-မုံရွာလမ်းပေါ်ရှိ မြပုလဲစစ် ကောင်စီဂိတ်မှ လက်နက်ကြီးပစ်ခတ်မှုကြောင့် မုံရွာ-အမြင့်လမ်းဘေးနေ အသက်၉၀အရွယ်အမျိုး သားတစ်ဦး ဒဏ်ရာရရှိပြီးပြည်သူ့နေအိမ်တစ်လုံး မီးလောင်ပျက်စီးခဲ့သေး သည်။
ဧပြီလကုန်အထိ စစ်ကောင်စီတပ်က အပစ်ရပ်ကြောင်း ကြေညာထားသော်လည်း မုံရွာနှင့် ချောင်ဦးမြို့နယ်တို့တွင် လေကြောင်းမှ ဗုံးကြဲခြင်းနှင့် လက်နက်ကြီးဖြင့် ပစ်ခတ်ခြင်းတို့ လုပ်ဆောင်လျက်ရှိသည်။
