By Ra Wai / MPA
မန္တလေးတိုင်း၊ နွားထိုးကြီးမြို့နယ်အတွင်းရှိ ဂတ်စ်ပိုက်လိုင်းစောင့် စစ်သားများကို ပကဖက လက်နက်ကြီးဖြင့် ပစ်ခတ်တိုက်ခိုက်ခဲ့ရာ သုံးဦးပြင်းထန်ဒဏ်ရာရရှိခဲ့ကြောင်းသိရသည်။
ဧပြီ ၂၄ ရက်၊ ညနေ လေးနာရီခွဲခန့်တွင် နွားထိုးကြီးမြို့နယ်၊ ထန်းဇင်ရွာအနီးရှိ ဂတ်စ်ပိုက်လိုင်းစောင့် စစ်သားများကို လက်နက်ကြီး သုံးလုံး ပစ်ခတ်တိုက်ခိုက်ခဲ့ရာ စစ်သားများနေထိုင်သည့် အဆောက်အအုံပေါ်သို့ ကျရောက်ပေါက်ကွဲခဲ့ကြောင်း နွားထိုးကြီးမြို့နယ်ပကဖက သတင်းထုတ် ပြန်သည်။
” ဂတ်စ်ပိုင်းလိုင်းစောင့်တဲ့ စခဂိတ်ကို တိုက်ခိုက်တာပါဗျ။ လက်နက်ကြီးကျတဲ့ အဆောက်အအုံက ပိုက်လိုင်းအခြေမှာပါဗျ။ ပြည်သူမနေတော့တဲ့အဆောက်အအုံမှာ သူတို့က တပ်စွဲထားတာပါဗျ” ဟု နွားထိုးကြီးမြို့နယ်ပကဖမှ တာဝန်ရှိသူတစ်ဦးက MPA သို့ပြောသည်။
ယင်းတိုက်ခိုက်မှု၌ စစ်ကောင်စီဘက်မှ ပြန်လည်တုံ့ပြန်ခြင်းမျိုးမရှိကြောင်း သိရသည်။
ဒဏ်ရာရ စစ်သားများကို နွားထိုးကြီးမြို့ပေါ်သို့ပို့ကာ ဆေးကုသမှုပေးနေကြောင်းသိရသည်။
စစ်သားများ ထိခိုက်ဒဏ်ရာရမှုကို MPA အနေနှင့် သီးခြားအတည်မပြုနိုင်ပေ။
