တော်လှန်ရေးအင်အားစုများနှင့် စစ်ကောင်စီတပ်ဖွဲ့ဝင်များအကြား တိုက်ပွဲပြင်းထန်နေမှုကြောင့် တောင်ကြီးမြို့ သို့ တိမ်းရှောင်လာသည့် လွိုင်ကော်မြို့ခံများကို စစ်ကောင်စီက ဝင်ခွင့်တင်းကြပ်ထားကြောင်း လွိုင်ကော်မြို့ခံ များထံကသိရသည်။
“ လျွိင်ကော်ကနေလာတဲ့ စစ်ရှောင်တွေရဲ့ကားတွေဆိုရင် ဂိတ်မှာရှိတဲ့ စကစတွေက ချက်ချင်းပေးမဝင်ဘူး။ ပြီး ရင်အချိန်တော်တော်ကြာအောင် စစ်တာဆေးတာတွေလုပ်တယ်။ ဘာလို့လဲဆိုတော့ အခုရှောင်လာကြတဲ့သူ တွေထဲမှာ PDF တွေပါလာမှာစိုးလို့” ဟု လွိုင်ကော်မြို့မှ တောင်ကြီးမြို့သို့ တိမ်းရှောင်လာသည့် အမျိုးသမီးတစ် ဦးက ပြောပါသည်။
လွိုင်ကော်မြို့မှ တိမ်းရှောင်လာသည့် စစ်ဘေးရှောင်များအနေဖြင့် တောင်ကြီးမြို့၌နေထိုင်ရာတွင် သာသနာ့နယ် မြေများမှအပ လူနေရပ်ကွက်များတွင် ဧည့်စာရင်းတိုင်ကြား၍ နေထိုင်ခွင့်ပြုရန် တောင်ကြီးမြို့ပေါ်ရှိ ရပ်ကွက် အုပ်ချုပ်ရေးမှူးများကို စစ်ကောင်စီမှာကြားထားကြောင်း ၎င်းကဆက်လက်ရှင်းပြသည်။
“ဘုန်းကြီးကျောင်းတို့၊ ဘာတို့၊ သာသနာ့နယ်မြေတွေမှာ စစ်ရှောင်တွေကိုခိုလှုံခွင့်မပြုဘူးလို့မှာထားတယ်။ ရပ် ကွက်ထဲမှာ အသိမိတ်ဆွေနေအိမ်မှာဖြစ်ဖြစ်၊ အိမ်ငှားပြီးဖြစ်ဖြစ်နေရင် ဧည့်စာရင်းတိုင်ရမယ်လို့ပြောတယ်”ဟု စစ်ဘေးရှောင်အမျိုးသားတစ်ဦးကဆိုသည်။
ထို့အပြင် နိုင်ငံသားစီစစ်ရေးကတ်ပြား၌ ကယားပြည်နယ် နံပါတ်ဖြစ်သည့် ၂ မျဉ်းစောင်းမှတ်ပုံတင်ကိုင်ဆောင် သူများကို တောင်ကြီးမြို့အတွင်းသို့ ဝင်ခွင့်မပြုဘဲ စစ်ဆေးရေးဂိတ်ကပင် ပြန်လှည့်ခိုင်းခြင်းများလည်းရှိနေ ကြောင်း မျက်မြင်တွေ့ရှိခဲ့သည့် အမျိုးသားတစ်ဦးကဆိုသည်။
“သူတို့(စစ်ကောင်စီတပ်သား)က ဂိတ်တွေမှာ ၂/ (မျဉ်းစောင်း)ဆိုအဝင်မခံဘူး။ အစောပိုင်းလူတွေထဲမှာတော့ လွတ်သွားတဲ့သူတွေရှိတယ်။ အခုနောက်ပိုင်းဆိုပိုပြီးစစ်လာတယ်။ တစ်ချို့ဆို နောက်ပြန်လှည့်ခိုင်းတဲ့အထိပဲ”ဟု ၎င်းကပြောသည်။
ပြီးခဲ့သည့် နိုဝင်ဘာ ၁၁ ရက်နေ့မှစတင်၍ တော်လှန်ရေးအင်အားစုများက စစ်ကောင်စီတပ်စွဲထားရာနေရာများ ကို ၁၁.၁၁ စစ်ဆင်ရေးအဖြစ်ဝင်ရောက်တိုက်ခိုက်ခဲ့ပြီးနောက် တိုက်ပွဲများပြင်ထန်ခဲ့ပြီး လွိုင်ကော်မြို့ပေါ်တွင် ပိတ်မိနေသည့် ဒေသခံအများအပြားရှိနေသေးသည်။
